Fjölskyldan í Canterbury

Hæ, hæ,
loksins gefur frúin sér tíma til að blogga. Það er búið að vera mikið að gera hjá mér í skólanum, var að skila fyrsta stóra verkefninu mínu fyrir stuttu. Það gekk bara ágætlega, ég þurfti að skila inn þremur hlutum tjaldi, portfolio/sketchbook og stuttri vídeomynd. Fékk smá gagnrýni og líka hrós. Ég hlakka til að fá einkunn þá veit ég meira hvernig mér gengur.

...halda áfram hér...

Annars er lífið hérna í Canterbury mjög gott, þetta er mjög skemmtilegur lítill bær sem við búum í og skólinn er mjög skemmtilegur. Skólinn er frekar lítill og persónulegur, (www.ucreative.ac.uk) við erum farin að þekkja flesta kennarana og við í arkitektadeildinni erum með sér byggingu fyrir okkur. Þetta er í fyrsta skipti sem mér finnst gaman að fara í skólann og hlakka yfirleitt til að fara í fyrirlestra. Þar erum við að kynnast ýmsum arkitektum sem hafa gert frábæra hluti.

Bjarki og Bryndís hafa það mjög gott. Þau fóru í bátsferð um síðustu helgi niður ánna sem liggur í gegnum bæinn, við setjum inn myndir af því http://www.bjarki.net/gallery/index.php?cat=3. Bryndís hefur það gott er orðin mikil pabbastelpa. Þau feðginin eru mikið saman þessa daganna og bralla eitthvað skemmtilegt. Hún segir að pabbi gefir sér allt og kaupi handa henni bangsa og ýmis leikföng en mamma gefi henni ekkert nema kartöflur.

Ég segi þetta gott í bili, bið að heilsa öllum á Íslandinu góða.

Kveðja
Ingibjörg